Jetë të marra përsëri për shkak të përdorimit të armëve.
Ka vrarë gruan, plagos mbesën dhe tenton të vritet. Ngjarja ka ndodhur në Mirditë, ku burri nga pakujdesia ka vrarë gruan dhe ka plagosur mbesën me çifte. Policia bën të ditur se viktima është Prena Marku 40 vjeç, e plagosur është Rezarta Marku 18 vjeç.
Mbrëmjen e djeshme çifti me banim në Gjakovë kishin shkuar për një vizitë në familjen e prindërve të gruas. Mësohet se kur Ndue Bisaku kishte marrë të pastronte armën e gjahut dyshohet se arma është shkrepur aksidentalisht duke lënë të vdekur në vend 40 vjeçaren, ndërsa është plagosur mbesa e familjes 17 vjeçarja Rezarta.
Në një gjendje shumë të rënduar psikologjike si pasojë e ngjarjes së rëndë, shtetasi kosovar ka tentuar të vevritet duke prerë fytin me thikë. Ndërhyrja e shpejtë e familjarëve të pranishëm ka bërë që 50 vjeçari të transportohet me urgjencë në spitalin e Rrëshenit, ku sipas të dhënave është në gjendje të rëndë shëndetësore.
