Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Shqipëri-SHBA, dimension i ri bashkëpunimi
English

Shqipëri-SHBA, dimension i ri bashkëpunimi

Kryeministri Rama zhvilloi dje një takim me Asistentsekretaren e Shtetit Victoria Nuland, të ndjekur më pas nga një darkë pune e të dy delegacioneve.

Zonja Nuland e përgëzoi Kryeministrin për marrjen e statusit të vendit kandidat të Shqipërisë dhe theksoi se ky vendim i rëndësishëm për të ardhmen europiane të vendit tonë është kurorëzim i reformave të ndërmarra nga qeveria shqiptare.

Nga ana tjetër Kryeministri Rama e njohu zyrtaren e lartë të departamentit të shtetit me vizionin e qeverisë shqiptare për të luftuar korrupsionin, krimin e organizuar si edhe nevojën që sistemi i drejtësisë ka për tu reformuar, ide të cilat u mbështetën plotësisht nga zonja Nuland.

Bashkëpunimi ekonomik i dy vendeve ishte një tjetër temë e rëndësishme e bisedës, për të cilën Kryeministri Rama dhe Asistentsekretarja Nuland ranë dakord se nevojitet një dimension i ri bashkëpunimi, që do të mundësonte intensifikimin e marrëdhënieve ekonomike dhe nxitjen e sipërmarrësve amerikanë për të investuar në Shqipëri. Zonja Nuland vlerësoi projektin strategjik të gazsjellësit TAP dhe rolin e Shqipërisë në sigurinë energjitike në Europë.

Zonja Nuland vlerësoi rolin e Shqipërisë si anëtare e NATO-s dhe kontributin që vendi ynë ka dhënë qoftë në zhvillimet e fundit ndërkombëtare ne Ukraine, qofte ne avancimin e demokracisë dhe promovimin e paqes dhe stabilitetit në Ballkan.

Në takim zonja Nuland shoqërohej nga Ambasadori Arvizu, Gjeneral Major Kee dhe Evelyn Farkas, kurse Kryeministri Rama shoqërohej nga Ministri i Jashtëm Bushati, Ministrja e Mbrojtjes Kodheli dhe Ministri i Brendshëm Tahiri.

KOMENTE