Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Arrestohet Ardian Fullani dhe kryeinspektorja Golemi
English

Arrestohet Ardian Fullani dhe kryeinspektorja Golemi

Mëse një muaj më pas lajmit të bijshëm të vjedhjes së thesarit të shtetit, policia mbrëmjen e sotme vë nën pranga guvernatorin Ardian Fullani dhe kryeinspektorja Elivar Golemi.

Ndalimi i Guvernatorit është bërë nga blutë e kryeqytetit me urdhër të Prokurorisë së Tiranës rreth orës 19:45 të mbrëmjes në ambientet e Bankës së Shqipërisë, në godinën e ish “VEFA”, për tu shoqëruar më pas në Drejtorinë e policisë së Tiranës.
Gjykata e Tiranë ka caktuar masën e sigurisë “arrest me burg” për Guvernatorin me akuzën e shpërdorimit të detyrës. Më pas u mësua dhe arrestimi i Inspektores së Përgjithshme të Bankës.

Këto dy arrestime janë konfirmuar zyrtarisht në një deklaratë për mediat nga Prokuroria e Përgjithshme. Kreu i BSH-së akuzohet për shpërdorim detyre, pas vjedhjes së thesarit të Bankës së Shqipërisë ku u vodhën 713 milionë.

Fullani aktualisht ndodhet në Drejtorinë e Policisë, ndërsa aty ka shkuar edhe avokati Maks Haxhia. Arrestimi i tij është bërë më urdhër të Gjykatës, pasi prokurori Ramadan Troci ka dorëzuar sot kërkesën e arrestimit. Ndërkaq, mësohet se ka edhe arrestime të tjera.

Prokuroria: Fullani dhe Golemi shpërdoruan detyrën
Në orën 21: 20 minuta Prokuroria e Përgjithshme bën publike 5 argumentet ligjore për të cilën u kërkua arrestimi i Ardian Fullanit dhe Elivar Golemit të akuzuar për shpërdorim detyre. Ndërkohë Prokuroria e Rrethit Gjyqësor Tiranë po vijon me hetimin e kësaj çështje, ku fokusi kryesor vijon të mbetet destinacioni i shumës së vjedhur.
1- Nuk i ka propozuar Këshillit Mbikqyrës, zëvendësguvernatorin e dytë të Bankës së Shqipërisë, duke krijuar një boshllëk në përmbushjen e detyrimeve të këtij funksioni.
2- Në cilësinë e kryetarit të Këshillit Mbikqyrës, nuk ka ushtruar kompetencat e tij për propozimin e nismave juridike të funksionimit të Bankës së Shqipërisë
3- Në cilësinë e drejtorit të përgjithshëm ekzekutiv të Bankës së Shqipërisë, nuk ka marrë masat e nevojshme ligjore për zbatimin e vendimeve dhe rregulloreve të Këshillit Mbikqyrës
4- Guvernatori është i ngarkuar me mbarëvajtjen e veprimtarisë së përditshme të Bankës së Shqipërisë, përgjegjësi të cilën nga analiza e hetimit në kuadër të procedimit penal, rezulton që nuk e ka ushtruar.
5- Në kundërshtim me nenin 8 të rregullores “Mbi inventarizimin e vlerave materiale e monetare në Bankën e Shqipërisë”, Guvernatori i Bankës së Shqipërisë, në komisionet e ngritura për kryerjen e inventarizimit të detyrueshëm periodik të vlerave monetare në Bankën e Shqipërisë ka caktuar dy herë të njëjtin person
Elivar Golemi në funksion të inspektores ka shkelur ligjin. Nuk ka ushtruar adutitim konform ligjit përgjegjësi e drejtëpërdrejtë e saj. Ka vepruar në kundërshtim me kuadrin ligjor sa i takon kontrollit të brendshëm periodik. Nuk ka realizuar kontrolle peridodike.

KOMENTE