Ditën e sotme, datë 02.10.2014, nga ana e Seksionit për Trafiqet e Paligjshme në Drejtorinë e Policisë së Qarkut Durrës u krye ndalimi i shtetasit të shpallur në kërkim ndërkombëtar Andi Leka, 22 vjec, banues në lagjen Nr.8 Durrës.
Ky shtetas është shpallur në kërkim nga Interpoli më datë 26.09.2014, pasi Gjykata e Bergamos, Itali, më datë 02.08.2014 ka lëshuar ndaj tij një Urdhër Arresti, pasi akuzohet për kryerjen e veprave penale "Organizatë kriminale” dhe “Shfrytëzim prostitucioni”; vepra këto të parashikuara nga nenet 416 dhe 110 të Kodit Penal Italian dhe Ligjit 75/58 me maksimum dënimi deri më 12 vjet burgim.
Materialet iu përcollën Prokurorisë së Rrethit të Durrësit.
Drejtoria e Policisë së Qarkut Durrës.
