Me ftesë të Kryetarit të Kuvendit, z. Ilir Meta vjen për një vizitë në Tiranë, Kryetari i Parlamentit të Republikës të Turqisë, z. Cemil Çiçek.
Kryetari i Kuvendit, z. Ilir Meta do të presë më datë 25 nëntor 2014, në orën 12:30 në një takim në Kryesinë e Kuvendit, Kryetarin e Parlamentit të Republikës të Turqisë, z. Cemil Çiçek dhe delegacionin që e shoqëron.
Pas takimit dy homologët do të kenë një prononcim të përbashkët për shtyp.
Gjatë vizitës së tij në Tiranë, Kryetari i Parlamentit të Republikës të Turqisë, z. Cemil Çiçek do të takohet me krerët më të lartë të vendit, Presidentin e Republikës së Shqipërisë, z. Bujar Nishani dhe Kryeministrin e Shqipërisë z. Edi Rama.
