Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Vlera e Vërtetë e Parasë , në Gjirokastër, faza finale e konkursit mes shkollave
English

"Vlera e Vërtetë e Parasë", në Gjirokastër, faza finale e konkursit mes shkollave

Gjirokastër, 8 maj NOA - Në rrethin e Gjirokastrës u zhvillua sot konkursi midis nxënësve të shkollave të mesme, "Vlera e Vërtetë e Parasë".

Ky konkurs është një iniciativë e Bankës së Shqipërisë nëpërmjet të cilës synohet që të rinjtë të mësojnë e thellojnë njohuritë e tyre mbi Bankën Qendrore dhe politikën e saj monetare, nëpërmjet një mënyre argëtuese.

I zhvilluar për herë të parë gjatë vitit shkollor 2007-2008, këtë vit ai është shtrirë në 5 rrethe të vendit.

Në Gjirokastër morën pjesë 7 shkolla të mesme nga të cilat doli fituese shkolla "Siri Shapllo".

Konkursi u zhvillua në sallën e teatrit "Zihni Sako" të qytetit, ku ishin të pranishëm nxënës, mësues, përfaqësues të Drejtorisë Arsimore të rrethit, studentë të Universitetit të Gjirokastrës e familjarë të pjesëmarrësve.

Në përgjigje të interesimit të të pranishmëve, z. Fullani, Guvernatori i Bankës së Shqipërisë, shpjegoi rëndësinë e programeve të edukimit të publikut, të ideuara dhe të zbatuara nga Banka e Shqipërisë, 4 vitet e fundit.

Ai ka theksuar veçanërisht domosdoshmërinë e edukimit ekonomik dhe financiar të publikut në zhvillimin e ekonomisë së një vendi dhe rritjen e mirëqenies së qytetarëve të tij.

"Sa më shumë njohuri të ketë publiku, aq më shumë do të rritet kërkesa e tij për produkte e shërbime. Rritja e kërkesës publike do të shtyjë institucionet financiare të përmirësojnë e zgjerojnë shërbimet e tyre, të krijojnë e hedhin në treg produkte të reja e të kërkojnë instrumente të reja për realizimin e tyre", - deklaroi Guvernatori.

Sipas tij, institucionet financiare nga ana e tyre, sa më shumë të sofistikohen, zgjerohen e shtohen aq më shumë do të nxisin publikun të mësojë rreth shërbimeve e produkteve që ato ofrojnë".

Për Fullanin, e gjitha kjo marrëdhënie funksionon në bazë të parimit të enëve komunikuese që rrisin nivelin e kaheve të ndryshme të të njëjtit objekt".

v.d/NOA

KOMENTE