Tiranë, 12 korrik NOA UPDATE-Në Komisionin Qendror të Zgjedhjeve ka përfunduar numërimi i QV-së 3116, të KZAZ-së 19 të Fierit. Nga numërimi i kryer rezulton në avantazh Partia Socialiste me 305 vota, më pas vijnë Partia Demokratike 94 vota, Lëvizja Socialiste për Integrim 48 vota dhe PDI 4 vota.
Ndërkohë Komisioni Qendror i Zgjedhjeve vendosi të rivlerësojë 439 fletë votimi të QV-së 3052 të KZAZ-së numër 19 të qarkut të Fierit.
Në këto fletë votimi janë vërejtur mangësi, pasi fletët ishin vetëm me vulën e sekretarit të QV-së.
Nënkryetarja e KQZ-së, njëkohësisht përfaqësuese e Partisë Socialiste, Dëshira Subashi e ka kundërshtuar vendimin duke i cilësuar fletët të pavlefshme.
Kutia e votimit e qendrës nr.3052 ishte e ankimuar nga Partia Demokratike e cila depozitoi të premten kërkesën e saj për shqyrtim. m.i/NOA
