Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Diplomati i huaj ankohet tek Avokati i Popullit, për lokalet e natës në ish-Bllok
English

Diplomati i huaj ankohet tek Avokati i Popullit, për lokalet e natës në ish-Bllok

Tiranë, 30 korrik NOA Update - Tek Avokati i Popullit, kanë paraqitur ankesë banorë të Rrugës " Dëshmorët e 4 Shkurtit" në ish-Bllok, përfshirë dhe një diplomat i trupit diplomatik të akredituar në Republikën e Shqipërisë.

Me anë të ankesës, ata parashtrojnë shqetësimin dhe pretendimin e tyre lidhur me mosndërhyrjen e strukturave përgjegjëse pranë Bashkisë Tiranë, sa i përket zhurmave të shkaktuara nga ushtrimi i aktivitetit të lokaleve në këtë zonë, sidomos gjatë natës.

Kështu, pas diplomatit francez i cili kishte konstatuar mungesën e sinjalistikave në rrugë, një tjetër diplomat i trupit diplomatik të akredituar në Shqipëri, ka shfaqur shqetësim për kryeqytetin kësaj herë për zhurmat e shkaktuara nga lokalet në zonën e ish-bllokut në Tiranë, gjatë thuajse gjithë natës.

Sipas Institucionit të Avokatit të Popullit ankesa e ardhur pak ditë më parë, vjen pak pas inspektimit për të konstatuar mungesën e sinjalistikave në rrugë të cilat janë edhe burim aksidentesh dhe paralelisht ka hetuar një tjetër ankesë të një trupi diplomatik të akredituar në Tiranë.

Konkretisht, ankuesit shprehen se ushtrimi i aktivitetit të bareve deri në orët e vona të natës, e sidomos në fundjavë, ku volumi i muzikës ngrihet jashtë çdo norme, bën të pamundur qëndrimin normal në apartamentet respektive, për shkak të ndotjes së lartë akustike.

Gjatë inspektimit të zhvilluar personalisht nga Avokati i Popullit dhe njërit prej ekspertëve të institucionit, në orën 24.00'' të datës 28.07.2009, u konstatua se në baret "Buda", "Baroque", etj., muzika ishte e ngritur në nivele shqetësuese si për kalimtarët e sidomos për banorët e apartamenteve sipër dhe rrotull këtyre bareve.

Gjithashtu u konstatua se në një distancë fare të shkurtër nga këto bare qëndronte e parkuar makina me targë TR 8109 R, me dy inspektorë të Policisë Bashkiake, të cilët mund të ndërhynin për normalizimin e kësaj situate.

Në të tilla kushte, ankuesit shprehen se duke mos gjetur një zgjidhje ligjore të kësaj çështje, kanë kërkuar ndihmën e Insitucionit të Avokatit të Popullit me qëllim ndërmjetësimin pranë jush për gjetjen e një zgjidhje të këtij problemi.

"Për nevojat e shqyrtimit të mëtejshëm të kësaj ankese nga institucioni i Avokatit të Popullit, lutemi të na përcillni me një informacion të hollësishëm, nëse jeni vënë në dijeni të kësaj situate të shkaktuar nga ushtrimi i aktivitetit të lokaleve në këtë zonë, nëse është ndërmarrë ndonjë masë ligjore nga ana juaj për rregullimin e kësaj situate".

"Gjithashtu kërkojmë të informohemi së pari nëse këto biznese janë të pajisura me lejen përkatëse për ushtrimin 24 orë të aktivitetit, si dhe cili është roli dhe detyra e Policisë Bashkiake në këto raste" bëri të ditur institucioni i Avokatit të Popullit"", thuhet në përfundim të rekomandimit që Avokati i Popullit i ka dërguar sot, kryetarit të Bashkisë së Tiranës, Edi Rama duke i kërkuar që të marrë menjëherë masat.

k.k/NOA - Komentoni lajmin e ditës në fund të shkrimit / Klikoni këtu, për rregullat e përdorimit

Lajm tjetër i ditës që lidhet me argumentin:

Avokati i Popullit rekomandon Drejtorinë e Rrugëve: Ja akset pa sinjalistika

KOMENTE