Tiranë, 8 gusht NOA - Spitali i Burgut në Tiranë, është blinduar ditën e sotme nga forca të shumta policie, pas transportimit të Dritan Dajtit në këtë spital.
Pas ndërhyrjeve kirurgjikale në Spitalin Ushtarak në Tiranë pasditen e djeshme, super i kërkuari cili vrau katër punonjës policie gjatë aksionit për kapjen e tij ku mbeti i plagosur edhe vetë u transportua në Spitalin e Burgut ku po kurohet.
Burimet spitalore tregojnë se Dajti ndodhet në gjendje të rëndë po jashtë rrezikut për jetën.
Ai kishte marrë tre plagë të cilat nuk i rrezikuan jetën.
Nën masa të rrepta sigurie në Spitalin e Burgut ndodhet edhe Erges Xhaxhi miku i Dajtit, i cili ka marrë plagë te lehta.
Dajti dhe Xhaxhi sulmuan dje në plazhin e Durrësit forcat e policisë të cilat u afruan për t'i vënë prangat shumë të kërkuarit.
Mirëpo operacioni u kthye në një tragjedi ku humbën jetën katër oficerë policie si dhe miku i ngushtë i Dajti, Ledion Mara, ndërsa u plagosën Dritan Dajti dhe Erges Xhaxhi.
k.k/NOA
