Korfuz, 16 gusht NOA-Pasojat e konsumit të tepërt të alkoolit i kanë marrë jetën një emigranti shqiptar ndërsa i ka shpëtuar për pak vdekjes shoku i tij.
Sipas të dhënave të policisë shqiptare që i referohen autoriteteve greke, autori i vrasjes është pronari i lokalit të frekuentuar nga shqiptarët.
Ngjarja e rëndë ka ndodhur në orën 03.55 të mëngjesit të ditës së sotme, në bashkinë e Kerkirës (Ishulli i Korfuzit-Greqi).
"Dy shtetasit shqiptarë pasi kishin konsumuar një sasi të konsiderueshme alkoli kanë filluar të shkaktojnë dëme materiale në lokalin e vrasësit", sqarojnë burimet zyrtare.
Viktima është Kleorand Alikaj, 35 vjeç nga fshati Mashkullorë i rrethit të Gjirokastrës, ndërkohë që i plagosuri rëndë wshtw 34 vjeçari Odise Dalarti, lindur dhe banues në qytetin e Sarandës.
Po të njëjtat burime saktësuan se autori i kësaj vrasjeje, shtetasi grek, Spiro Mërkuri, 40 vjeç, është arrestuar menjëherë pas ngjarjes nga policia greke e ishullit.Â
m.i/NOA
