Obiliq, 27 gusht NOA-Nën dyshimin se ka keqpërdor pozitën zyrtare duke pranuar ryshfet, është arrestuar sot komandanti i stacionit policor në Obiliq, Sejdi Zeqiri.
Kjo është bërë e ditur nga Policia e Kosovës, e cila ka njoftuar se pas arrestimit, i dyshuari edhe është pushuar nga puna.
"Personi është arrestuar nga hetuesit me urdhër të prokurorit publik me dyshimin e bazuar se ka shpërdoruar detyrën zyrtare dhe për marrje të ryshfetit.
Pas arrestimit atij i është caktuar masa e ndalimit policor për 48 orë dhe njëkohësisht është pushuar", thuhet në njoftimin e Policisë.
Zyrtarët e Policisë premtojnë se ndaj çdo polici, i cili me veprimet e tij bie ndesh me ligjin për policinë ose legjislacionin tjetër në Republikën e Kosovës, do të merren masa konform ligjit.
m.i/NOA
