Shkodër, 10 shtator NOA - Djegia e parcelave për hapjen e tokave të reja nga fshatarët ka bërë që zjarri të përhapet duke përfshirë edhe më shumë se 4 kilometra traversa.
Djegia e traversa ka ndërprerë transportin hekurudhor në linjën Shkodër-Lezhë.
Në vendin e ngjarjes kanë mbërritur forcat e policisë së Shkodrës për të zbardhur rrethanat e rënies së zjarrit.
Burime nga policia thanë se flakët e zjarrit u përhapen me shpejtësi nga arat e fshatarëve drejt traversave të hekurudhës duke përshkruar 4 kilometra.
Zjarrfikësit mbërritën në vendngjarje për të shuar flakët e zjarrit por sidoqoftë transporti hekurudhor është ndërprerë.
Policia ka nisur hetimet për të identifikuar përgjegjësit.
k.k/NOA
