 Tiranë, 15 shtator NOA-Presidenti i Republikës, Bamir Topi, ka dekretuar sot gradat madhore për 5 kolonelë të ushtrisë sonë, propozime këto të sjella nga ministria e Mbrojtjes.
Në faqen zyrtare të Presidencës thuhet se në mbështetje të nenit 92, paragrafi "d" dhe 93 të Kushtetutës së Shqipërisë, me propozim të ministrit të Mbrojtjes, presidenti Topi dekretoi dhënien e gradave madhore për Kolonel Xhemal Gjunkshi, të cilit i jepet grada madhore Gjeneral Brigade, Kolonel Dhori Spirollari, i jepet grada madhore Gjeneral Brigade.
Topi dekretoi dhënien e gradës Kundëradmiral për Kapitenin e Rangut I, Kristaq Gërvenji.
Edhe për Kolonel Abaz Lleshin, u dha grada madhore Gjeneral Brigade.
Propozimi i pestë ishte për Kolonel Sandër Lleshi, i cili u dekretua dhe ai me gradën madhore Gjeneral Brigade.
Këto dekrete hyjnë menjëherë në fuqi.
