Tiranë, 22 shtator NOA - Shkon ne 34 numri i të prekurve nga gripi i derrave në vendin tonë.
31 rasteve të konfirmuara më parë nga laboratorët e Rumanisë, i janë shtuar ditën e sotme edhe tre raste të reja të infektuar nga virusi A/H1N1.
Sipas Institutit të Shëndetit Publik dy prej të prekurve nga gripi i derrave janë nga Berati ndërsa një nga Tirana.
Tre pacientët u paraqitën pak ditë më parë në spital me simptomat e gripit të derrave ndaj atyre iu morën kampionë të cilët u analizuan në laboratorin e Bukureshtit.
Përgjigjja nga Rumania ishte pozitive.
Tre të sëmurët ishin infektuar me virusin A/H1N1, por ndërkohë ata ishin mjekuar dhe kisin lënë spitalin pasi gjendja e tyre ishte përmirësuar.
k.k/NOA
