Elbasan, 27 tetor, NOA - Forcat e policisë së Elbasanit kanë kapur në flagrancë dy persona pasi u konstatuan se kishin vjedhur benzinë në një pikë karburanti dhe celularë në një makinë.
Burimet policore konfirmojnë për agjencinë e Lajmeve NOA se dy personat e ndaluar janë Arjan Sadikaj, vjeç 23, lindur në Tropojë e banues në Elbasan dhe Alfred Biçaku, vjeç 21, lindur në Librazhd e banues në Elbasan.
Arrestimi i tyre u bë pasi në bashkëpunim me njëri-tjetrin, këta dy persona kanë vjedhur 32 litra benzinë në pikën e furnizimit "Anoil", në fshatin Xibrakë të Elbasanit.
Gjithashtu në ngarkim të tyre, ekziston dhe kallëzimi i një 18-vjeçari, të cilit i kishin dalë në rrugë dhe i kishin bërë presion për t'i marrë celularin.
Po punohet për dokumentimin e plotë të ngjarjes, ndërsa materialet iu kaluan prokurorisë së Elbasanit për veprimet të mëtejshme mbi veprat penale "Vjedhje me dhunë, vjedhje e kryer në bashkëpunim", të parashikuara nga nenet 134, 139 e 25 të Kodit Penal.
n.e/NOA
Â
