Tiranë, 29 dhjetor NOA - Pamundësia për të takuar klientin e tij ka detyruar avokatin e Aldo Bares, të shtyjë seancën gjyqësore e cila ishte caktuar sot në ngarkim të këtij të fundit.
Sipas avokatit Vladimir Meçe, ai e ka pasur të pamundur të takojë klientin e tij për ta njohur me dosjen e Prokurorisë për shkak të masave të rrepta në të cilën ndodhet Aldo Bare në qeli.
Kërkesa e avokatit për të shtyrë seancën është pranuar nga gjykatësja e cila ka deklaruar se dosja në ngarkim të të pandehurit është voluminoze dhe do kohë të mjaftueshme të që të studiohet nga i akuzuari.
Vetë i pandehuri Aldo Bare nuk ka pranuar të marrë pjesë në seancën gjyqësore duke ngarkuar avokatin e tij.
Aldo Bare i njohur si kapobanda e Lushnjes u arrestua një vit më parë një Turqi ndërsa u ekstradua pak kohë më parë.
Ai akuzohet për një sërë veprash të rënda penale.
k.k/NOA
