Tiranë, 8 janar NOA - Një 46-vjeçar është arrestuar nga policia teksa kryente transportin e një aparature saldimi që sapo e kishte vjedhur në një firmë ndërtimit.
Përgjatë orëve të vona të natës së mbrëmshme nga shërbimet e hetimit të krimit të Komisariatit të Policisë Nr.2 Tiranë u krye arrestimi në flagrancë i 46-vjeçarit Ilir Lulja, lindur dhe banues në Tiranë, i dënuar më parë për vjedhje. Arrestimi i tij u krye pasi dje rreth orës 02.30, në rrugën "Margarita Tutulani" në Tiranë është kapur duke transportuar me karrocë dore një aparaturë saldimi, të cilën dyshohet se e kishte vjedhur në ambientet e firmës së ndërtimit "Sorael", në Tiranë.
U kryen veprimet proçeduriale, në cilësinë e provës materiale u sekuestrua aparatura e saldimit.
Materialet do t'i kalojnë Prokurorisë, për veprën penale të "vjedhjes".
k.k/NOA
