Itali, 11 Janar NOA - Është mbyllur dhe java e fundit e kësaj pjese të parë të kampionatit Italian Seria A, e cila ka dhuruar shumë surpriza e spektakël në fushën e lojës.
Një disfatë tjetër për ekipin e Juventus në supersfidën me Milanin ku bardhe-zinjtë e Ferrarës u mundën me rezultatin e thellë 3 me 0 me një lojë jo bindëse, e me gola të shënuar nga Nesta dhe dy gola u realizuan nga braziliani Ronaldinho.
Tashmë duket se u përcaktua dhe ndjekësja e vërtetë e Interit, ku do të jetë pikërisht Milan i cili ka dhe një ndeshje të prapambetur me Fiorentinën.
Në krahun tjetër Inter vazhdon të fitojë ku këtë radhë ka arritur të mundë Sienën me rezultatin 4 me 3 duke e kthyer lojën në favor, vetëm minutat e fundit të saj, falë golave të Snaider dhe Samuel. Këtë javë surprizë ka qenë dhe ekipi i Napolit i cili arriti të merrte një tjetër fitore këtë herë përballë Sampdorias falë golit të vetëm që u shënua këtë ndeshje nga argjentinasi Dennis duke e afruar kështu ekipin napolitan në zonën Champions.
Për sa i përket ndeshjeve të tjera ato përfunduan me rezultatet e mëposhtme:
Roma - Chievo 1 - 0, Firentina - Bari 2 - 1, Palermo - Atalanta 1 - 0, Udineze - Lazio 1 - 1, Genoa - Catania 2 - 0, Bologna - Cagliari 0 - 1, Livorno - Parma 2 - 0.
r.b/NOA
