Melburn, 28 Janar NOA - Janë shuar ëndrrat kineze për pjesëmarrjen e tyre në finalen e Australian Open ku të dyja tenistet janë eliminuar nga ky eveniment.
Serena Williams e Justine Henin kanë arritur të fitojnë të drejtën e finales ku respektivisht kanë mundur Li Na (7-6, 7-6) e Zheng Jie (6-1, 6-0).
Me këtë rezultat Serena arriti të "hakmerrej" për motrën e saj e cila u mund pikërisht nga tenistja kineze Li Na dhe finalja e cila do të zhvillohet ditën e shtunë do të jetë e 14 midis asaj dhe belges.
Ndërsa për sa i përket meshkujve Andy Murray ka mundur Marin Cilic me rezultatin : 3-6, 6-4, 6-4, 6-2, duke u kualifikuar për në finale dhe është në pritje të ndeshjes midis Federer dhe Tsonga ku fituesi i saj do të përballet pikërisht me të.
r.b/NOA
