Uashington, 9 shkurt, NOA - Ashtu siç ekziston një agjenci ndërkombëtare për planet bërthamore, së shpejti do të ketë një të tillë edhe për parashikimet dhe studimet që do ndërmerren në mënyrë globale mbi ndryshimet e klimës. Një propozim i tillë është bërë nga administrata Obama, e cila konkretisht sipas saj do të merret me studimin dhe raportimin mbi ndryshimet klimatike në botë. Në këtë mënyrë, sipas ekspertëve amerikanë, do të jetë më e lehtë për të parandaluar pasojat negative të këtij ndryshimi.
Vetëm pak javë më parë në Danimarkë u mbajt konferenca ndërkombëtare ku u diskutua mbi ndryshimet klimatike dhe ngrohjen globale.
Takimi i organizuar nga Organizata e Kombeve të Bashkuara përfundoi pa ndonjë marrëveshje konkrete dhe ndaj autoritetet ndërkombëtare po përpiqen të gjejnë të gjitha mënyrat e duhura për të zgjidhur problemin e klimës.
n.e/NOA
