Tiranë, 16 shkurt, NOA - Ministria e Kulturës firmosi sot protokollin e bashkëpunimit me Kryesinë e Administratës Turke për Zhvillim dhe Bashkëpunim e Kryeministrisë së Republikës së Turqisë (TIKA) dhe Komunitetit Musliman të Shqipërisë për restaurimin e objekteve të trashëgimisë kulturore.
Në bazë të këtij protokollit do të bëhet i mundur restaurimi i monumenteve kulturore që gjenden në Shqipëri me qëllimin e forcimit të lidhjeve historike tradicionale si dhe zhvillimin e mundësive të bashkëpunimit teknik.
Sipas ministrisë së Kulturës, objekti i veprimtarisë së kësaj marrëveshje është restaurimi i Objekteve të trashëgimisë kulturore si pjesë e lidhjes historike të palëve pjesë e kësaj marrëveshje. Projekti do të financohet nga " Kryesia e Administratës Turke për Zhvillim dhe bashkëpunim e Kryeministrisë së Republikës së Turqisë (TIKA). Në këtë mënyrë mendohet që trashëgimi kulturore të vihet në funksion të turizmit.
xh/NOA
