Tiranë, 23 shkurt, NOA - Këshilli i Lartë i Drejtësisë në një takim që ka zhvilluar paraditen e sotme me gjyqtarët e 6 gjykatave ka theksuar para tyre domodoshmërinë e ekzistencës së një politike të fortë penale ndaj krimeve në vend.
Përmes nënkryetarit të KLD-së, Kreshnik Spahiu, ky institucion ka lëshuar kritika të ashpra ndaj gjyqtarëve, duke kërkuar prej tyre angazhim maksimal për të përmbushur detyrimet e Bashkimit Evropian në lidhje me sistemin gjyqësor në vend.
Konkretisht, Spahiu ka kërkuar dënim të ashpër për çështjet e korrupsionit nga ana e gjyqtarëve, si edhe një politikë të ashpër penale për krimet.
Më tej, ai u ka bërë thirrje gjyqtarëve që të mos shkelin të drejtat e palëve në gjykim.
n.e/NOA
