Torino, 27 Shkurt NOA - Llogaritë pozitive për sa i përket bilancit ekonomik në ekipin e Juventus e lejojnë atë skuadër të ëndërrojë për marrjen e lojtarëve të cilët konsiderohen si më të mirët për momentin.
Ëndrra e Juventinëve është ajo e marrjes së francezit i cili është në radhët e ekipit të Bajernit, Frenk Ribery. Trekuartisti i këtij ekipi pëlqehet shumë nga drejtuesit e skuadrës dhe me sa duket sipas shtypit Italian që tani ka patur kontakte në lidhje me një akord të mundshëm për lojtarin. Vlera e Ribery është jo më pak se 40 milion euro dhe me sa duket Juventus ka ndërmend të shpenzojë një sasi të tillë parash, por në këtë marrëveshje kujtojmë se në ndjekje të lojtarit janë dhe shumë klube të mëdha të Evropës mjafton të përmendim Realin dhe Barçën të cilët kanë qenë prej kohësh në ndjekje të tij dhe Juventusit do ti duhet ta shmangë këtë konkurrencë.
Flitet se bardhë e zinjtë janë në ndjekje dhe të lojtarëve të tjerë ku spikasin, Petrov e Geromel.
r.b/NOA
