Tiranë, 1 mars, NOA - Janë mbyllur portat e hidrocentralit të Fierzës, duke bllokuar në këtë mënyrë edhe shkarkimet e ujit prej tij. Lajmi është konfirmuar nga zyrtarët e Koorporatës Elektroenergjetike Shqiptare.
Sipas tyre, mbyllja e këtyre portave është bërë për shkak të rënies së prurjeve të ujit në hidrocentralin e Fierzës, gjë që ka shkaktuar panevojshmërinë e derdhjeve të mëtejshme të ujit nga kaskadat e tij.
Këto të fundit shkaktuan përmbytje të reja në zonat e Shkodrës gjatë ditëve të fundit, të cilat pasuan ato të muajit janar, thuajse me të njëjtat problematika, edhe pse jo në përmasa aq të mëdha sa atëherë.
Ndërkaq, zyrtarët e Koorporatës Elektroenergjetike Shqiptare, bëjnë me dijeni faktin se portat e hidrocentralit të Komanit dhe ato të Vaut të Dejës, do të mbyllen në një afat tjetër kohor.
Derdhjet prej tyre kanë arritur në nivelet prej 200 dhe 300 m3/sekondë.
n.e/NOA
