Tiranë, 1 mars, NOA Update - Askush në komunitetin euroatlantik nuk ka as më të voglin dyshim për legjitimitetin e parlamentit ekzistues dhe të qeverisë shqiptare. Një fakt të tillë e ka pohuar gjatë një takimi me kryeministrin Berisha, kreu i një delegacioni të Asamblesë Parlamentare të NATO-s, Sergio De Gregorio.
Duke iu referuar bojkotit të institucioneve demokratike nga ana e opozitës, anëtarët e delegacionit të NATO-s ndanë të njëjtin mendim me kryeministrin Berisha se politika nuk mund të ndërhyjë në vendimet e gjyqësorit.
Ndërsa kryeministri Berisha i shprehu delegacionit parlamentar të NATO-s falënderimet e tij për mbështetjen dhe ndihmën e çmuar qe asambleja Parlamentare i dha Shqipërisë për realizimin e projektit madhor kombëtar, anëtarësimit në NATO ne Samitin e Prillit 2009, ne Strasburg-Kehl.
Delegacioni i Asamblesë Parlamentare të NATO-s vlerësoi rolin dhe kontributin e Shqipërisë në misionet e Aleancës, si dhe në misione të tjera, në shërbim të paqes e sigurisë së vendeve, si dhe rolin e rëndësishëm të Shqipërisë tashmë si një aleat i saj.
Gjithashtu, parlamentarët e NATO-s theksuan se debati demokratik zhvillohet në parlament dhe se bojkoti i institucioneve demokratike është një qëndrim i pakuptimtë.
n.e/NOA
