Brazil, 2 Mars NOA - Trajneri i përfaqësueses Braziliane Carlos Dunga momentalisht ndodhet në Londër pasi është në prag të miqësores së përfaqësueses së tij me atë të Irlandës së Trapatonit.
Përpara fillimit të kësaj ndeshjeje ai duhet të përballet me pyetjet e gazetarëve në lidhje me përjashtimin e Ronaldinhos nga lista e lojtarëve të thirrur për këtë ndeshje.
Ai është përgjigjur duke thënë se Dinho mbetet një nga lojtarët më të mirë të Brazilit dhe rikthimi i tij do të ishte mjaft i rëndësishëm por momentalisht ai ka pohuar se do të vazhdojë në rrugën e tij pa brazilianin.
Për lojtarin e Milanit nuk mbetet shumë kohë pasi botërori i Afrikë e Jugut 2010 tashmë është shumë pranë dhe Dunga duket se vendimin për të, e ka marrë tashmë, pavarësisht se një pjesë e tifozëve të lojtarit janë shumë të zhgënjyer.
r.b/NOA
