Athinë, 9 Mars NOA - Kufoma e një të riu shqiptar u gjet sot në banesën e tij në lagjen "Pagrati" të Athinës, pasi ishte ekzekutuar me armë zjarri, informon korrespondenti i agjencisë NOA.
Ngjarja ka ndodhur në rrugën "Pratinu" nr 1 në një banesë të cilën djali shqiptar rreth 22 vjeçar, emri i të cilit nuk u bë i ditur, e kishte marrë me qira pak kohë më parë.
Policia tha se disa banorë të zonës që lajmëruan rajonin duke pohuar se një kufomë gjendej te një apartament në rrugën e sipërpërmendur.
Policia me të mbërritur mori kufomën dhe e dërgoi në morg, kurse duke konfirmuar faktin se i ndjeri ishte shqiptar, zbardhi se ishte vrarë me plumba të një arme zjarri, pistoletë.
Ende nuk dihet se kur është vrarë viktima kurse detajet për ngjarjen dhe autorët janë ende të pakta.
n.s/NOA
