Vlorë, 14 mars, NOA - Qytetarët e Vlorës kanë protestuar ditën e sotme për gjendjen e rrugëve, kundër bashkisë së qytetit. Dhjetëra njerëz, për rreth 30 minuta, kanë bllokuar një prej rrugëve hyrëse të qytetit bregdetar dhe kanë kërkuar nga bashkia më shumë vëmendje për infrastrukturën rrugore.
Nga ana e bashkisë nuk ka pasur ndonjë reagim konkret, ndërkohë që protesta ka rënduar dhe më tepër trafikun e automjeteve në rrugët e qytetit.
Afrimi i sezonit të verës e bën dhe më problematike dhe më të ndjeshme gjendjen e keqe të rrugëve në këtë qytet.
m.xh/NOA
