Berlin, 15 mars, NOA - Një nostalgji e madhe për socializmin vihet re në rdhët e qytetarëve gjermanë, të cilët duket se janë prekur nga efektet e krizës ekonomike dhe paraqesin pakënaqësi ndaj kapitalizmit.
Këtë e pohon një sondazh i organizuar nga "Emnid", publikuar në "Bild", i cili shfaq dëshirën e shumë gjermanëve për t'u kthyer në kohën e Murit të Berlinit, duke pohuar konkretisht se 1 në 4 gjermanë e pohon këtë pa asnjë lloj ndroje.
Ndërsa 16 % e të pyeturve pohon se nuk ka shpresë se do të ndryshojë ndonjë gjë.
Sondazhi i "Emnid" tregon ndër të tjera se 80 % e gjermanëve të ish-Gjermanisë Lindore, do të dëshironin të jetonin në kohën kur mbroheshin nga shteti, edhe pse ishin më të varfër.
Ata madje e pohojnë me gojën e tyre se "e qajnë me lot" atë kohë.
Duket se kohët e vështira të krizës, i kanë bërë gjermanët të kuptojnë se thënia socialiste "kapitalizmi është i egër", duket se ka diçka të vërtetë brenda saj.
n.e/NOA
