Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Berisha: Bashkëpunimi rajonal themelor për integrimin në BE
English

Berisha: Bashkëpunimi rajonal themelor për integrimin në BE

Brno, (Slloveni) 20 mars, NOA - "Shqipëria i kushton shumë rëndësi bashkëpunimit rajonal, si dëshmi e një transformimi të thellë dhe një përpjekje shumë serioze". Ky është qëndimi që ka mbajtur kryeministrit Sali Berisha në forumin e Sllovenisë për të ardhmen e rajonit.

Në një pronocim për mediat, kryeministri Sali Berisha, e konsideroi zhvillimin e kësaj Konference shumë të rëndësishme. Ai ka vlerësuar praninë e Kryeministrit të Kosovës, zotit Thaçi në këtë Konferencë, duke theksuar se Kosova gjithnjë e më shumë po konsolidohet si faktor i rëndësishëm paqeje dhe stabiliteti në Ballkan dhe natyrisht, prania e saj këtu, është kontribut në problemet e paqes dhe sigurisë së rajonit.

Gjithashtu, Berisha ka shprehur keqardhjen për mospjesëmarrjen e Presidentit serb, Tadiç në Konferencë, duke u shprehur se vendi i tij është aty.

"Bashkëpunimi rajonal, është padyshim substancial për të gjithë ne që aspirojmë integrimin në BE", u shpreh Berisha.

Deklarata e kryeministrit Berisha, u bë para fillimit të konfercës së nivelit të lartë me liderë të Ballkanit Perëndimor, me temë, "Bashkë për Bashkimin Evropian: Kontributi i Ballkanit Perëndimor për të ardhmen e Europës", e cila mbahet në Brno të Sllovenisë.

Konferenca, e cila organizohet nga kryeministrat e Sllovenisë, Borut Pahor dhe Kroacisë Jadranka Kosor, ka pjesmarrës dhe kryeministrin e Maqedonisë Nikola Gruevski, kryeministrin e Malit të Zi Milo Gjukanoviç, kryeministri i Kosovës Hashim Thaçi, kryeministri i Bosnje-Hercegovinës Nikola Spiric, si dhe komisionerin për Zgjerimin dhe Politikën e Fqinjësisë të BE-së Stefan Fule dhe shefi i UNMIK-ut në Kosovë Lamberto Zannier.

m.xh/NOA

KOMENTE