Rio de Zhanejro, 20 mars, NOA - Për shkak të shtimit të madh të popullsisë dhe largimit nga zonat rurale, numri i banorëve në lagjet e varfra të botës gjatë dhjetë viteve të kaluara është rritur me një shifër prej 55 milionë.
Shifra komunikohet nga një studim i Organizatës së Kombeve të Bashkuara, të publikuar në Rio de Zhanejro, sipas të cilit, aktualisht në botë, në lagje të varfra jetojnë afro 828 milionë vetë.
Ndër të tjera, ekspertët e Kombeve të Bashkuara informojnë se në të njëjtën kohë rreth 227 milionë vetë kanë arritur të kalojnë nga lagje ku jetohet në mjerim, në jetë me kushte të përmirësuara.
n.e/NOA
