English

Vendimi i grupit parlamentar, PS, pjesërisht në Kuvend

Tiranë, 25 mars, NOA Update - Mbledhja e grupit parlamentar të Partisë Socialiste ka vendosur që opozita të jetë e pranishme në seancën e sotme të Kuvendit. Në këtë mënyrë PS-ja ka vendosur të mos vijojë bojkotin e saj ndaj Parlamentit. Por pjesëmarrja e PS-në në seancë nuk do të jetë gjatë gjithë vijimit të saj.

Burime nga grupi i Partisë Socialiste, thanë për agjencinë "NOA" se deputetët do të jenë të pranishëm në seancë vetëm gjatë fillimit.

Është parashikuar që në fillim të seancës, të jetë kryetari i grupit, Gramoz Ruçi, ai që do të mbajë një fjalim në Kuvend dhe më pas deputetët e PS-së do të largohen nga salla.

Në fillim të mbledhjes së grupit, ka qenë kryetari i PS-së, Rama i cili ka paralajmëruar dhe skenarin e pasdites në Kuvend. Rama u shpreh se PS-ja nuk heq dorë nga protestat dhe do të bashkohet me popullin në rrugë, por nga ana tjetër do të vijojë të kërkojë dhe transparencën e zgjedhjeve në Kuvend.

m.xh/NOA

KOMENTE