Torino, 27 Mars NOA - Juventus po kalon një ndër periudhat më të vështira në historinë e saj të Seria A dhe për këtë gjendje ka folur vetë presidenti i klubit Jean Claude Blanc.
"Ka ardhur koha në të cilën nuk lejohen më gabimet dhe skuadra duhet të marrë vetëm rezultate pozitive", - deklaroi Blanc duke i bërë thirrje ekipit të tij që mos të pësojë më disfata në kampionat.
Tashmë kanë mbetur vetëm tetë ndeshje në kampionat dhe situata e Juventusit për t'u kualifikuar në Ligën e Kampionëve po bëhet gjithnjë e më e vështirë, ku në këto sfida të mbetura ata duhet të kërkojnë patjetër të marrin rezultate pozitive.
Këtë gjë e ka theksuar dhe vetë Blanc i cili ka pohuar se do të jetë e rëndësishme që në ndeshjet e fundit të mbetura, ekipi i bardhë e zinjve, nuk duhet të gabojë më dhe sipas tij ka ardhur ai moment në të cilin skuadra e Juventusit duhet të luftojë me krenarinë e tij.
r.b/NOA
