Tiranë, 30 mars, NOA - Kryeministri Berisha zhvilloi sot në drekë një bisedë telefonike mjaft të ngrohtë e miqësore me kryeministrin e Italisë, Silvio Berluskoni, të cilin e uroi përzemërsisht për fitoren në zgjedhjet rajonale vendore të zhvilluara në Itali.
Berisha i shprehu homologut të tij bindjen se kjo fitore dëshmon besimin e madh të qytetarëve italianë tek Silvio Berluskoni dhe tek koalicioni qeveritar.
Nga ana e tij, kryeministri italian e falënderoi me shumë përzemërsi kryeministrin Berisha për urimin e tij.
Në fund, Berisha dhe kryeministri Berluskoni ranë dakord gjatë kësaj telefonate që do të shihen së shpejti në një takim të përbashkët.
n.e/NOA
