Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kriza politike, Moratinos rrëfen bisedimet me Ramën, Berishën e Metën
English

Kriza politike, Moratinos rrëfen bisedimet me Ramën, Berishën e Metën

Tiranë, 20 Maj 2010 NOA - Ministri i Punëve të Jashtme dhe Bashkëpunimit priti këtë mëngjes Zëvendës Kryeministrin dhe Ministrin e Punëve të Jashtme të Shqipërisë, Ilir Meta. Lajmi konfirmohet për agjencinë NOA, nga burime zyrtare të Ambasadës së Spanjës.

Zyra e shtypit të Metës nuk u prononcua mbi takimin, por Ambasada e Spanjës si përfaqësuese e BE-së në Shqipëri konfirmoi për agjencinë NOA se Ministri i Punëve të Jashtme dhe Bashkëpunimit të Spanjës. Miguel Angel Moratinos zhvilloi një takim me Zëvendëskryeministrin dhe Ministrin e Punëve të Jashtme të Republikës së Shqipërisë, Ilir Meta.

Ambasada ka informuar njëkohësisht dhe mbi kontaktet që Ministri Moratinos ka pasur me Kryeministrin Z. Sali Berisha si dhe me liderin e opozitës Z.Edi Rama në lidhje me zgjidhjen e ngërçit politik në vend.

Duke folur mbi takimin Moratinos-Meta, zyra për shtyp tha se ai u fokusua në marrëdhëniet bilaterale dhe në situatën në Ballkanin Perëndimor në kuadër të përgatitjeve për Mbledhjen e Nivelit të Lartë në Sarajevë si dhe, në veçanti, në krizën politike që po kalon aktualisht Republika e Shqipërisë.

“Gjatë takimit, Ministri Moratinos ka zhvilluar një bisedë telefonike me Kryeministrin e Shqipërisë, Z. Berisha, të cilin e ka inkurajuar për të gjetur një zgjidhje për krizën sa më parë që të jetë e mundur. Për këtë qëllim, Ministri Moratinos pati gjithashtu dje një bisedë telefonike me liderin e Opozitës, Z. Rama, të cilit i kërkoi që të përfundonte grevën e urisë që po zhvillohej prej disa ditësh”, - konfirmoi edhe ministria e Jashtme spanjolle.

Qeveria e Spanjës tha se shpreson që të dyja palët të arrijnë një zgjidhje, sonte në takimin në Strasburg, me ftesë të Presidentëve të Grupeve Parlamentare Socialiste dhe Popullore të Parlamentit Evropian, si dhe me pjesëmarrjen e Komisionerit për Zgjerim dhe Politika Europiane për Fqinjësi, z. Fule.

r.l/NOA

KOMENTE