Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kuvendi Miraton Dy Nga Tre Dekretet E Presidentit Për Anëtarë Të Gjykatës Kushtetuese
English

Kuvendi Miraton Dy Nga Tre Dekretet E Presidentit Për Anëtarë Të Gjykatës Kushtetuese

TIRANË, 20 Maj/ATSH/.-Kuvendi i Shqipërisë miratoi sot dy nga tre dekretet e Presidentit të Republikës për emërimin e tre anëtarëve të rinj të Gjykatës Kushtetuese. Në seancën e sotme plenare, deputetët e maxhorancës miratuan me 70 vota dekretet e emërimit për anëtarë të Gjykatës Kushtetuese të kandidaturës së Altina Xhoxhajt dhe të Bashkim Dedes, ndërsa rrëzuan me 66 vota dekretin e emërimit të kandidatit tjetër Vangjel Kosta. Më 13 maj, Presidenti i Republikës i propozoi Kuvendit tre anëtarët e rinj të kushtetueses, pas një procesi përzgjedhje, të nisur më 25 janar 2010, në përmbushje të detyrimit të tij kushtetues. Në bazë të përcaktimeve kushtetuese dhe ligjore, gjyqtarët e Gjykatës Kushtetuese emërohen nga radhët e juristëve me kualifikim të lartë dhe me përvojë pune jo me pak se 15 vjet në profesion. Presidenti Topi e zgjodhi këtë procedurë si dy vjet më parë, pas rastit të vitit 2008 kur pesë kandidaturat e propozuara për vendet vakante në Gjykatën e Lartë u rrëzuan në parlament me shumicë votash (16 qershor 2008). Maxhoranca në atë kohë u deklarua se Kreu i shtetit nuk ishte konsultuar më parë lidhur me kandidaturat që do t'i përcillte Kuvendit./a.s//n.m/
KOMENTE