Peru - Mbi 12 Viktima Dhe 30 Të Zhdukur Nga Mbytja E Një Anijeje Në Amazonë
LIMA, 27 maj /ATSH-AFP/ - Të paktën dymbëdhjetë trupa viktimash janë rikuperuar sot dhe rreth 30 trupa të tjerë besohet të jenë ende të bllokuar në brendësi të një anijeje, e cila u mbyt në lumin Amazonë në veri të Perusë një ditë më parë, njoftuan sot burime sigurie.
''Rreth 160 të mbijetuar janë shpëtuar nga autoritetet në vendin ku u mbyt anija, në afërsi të xhunglës së Amazonës, pranë qytezës Santa Rosa, por ka ende shumë të zhdukur ", deklaroi për AFP Robert Falcon, shefi i mbrojtjes civile në provincën Loreto.
Kërkimet kanë rifilluar sot me ndihmën e ekipeve të zhytësve dhe vinçave për zhvendosjen e anijes së mbytur.
Ndërkohë që dëshmitarët kanë deklaruar se anija kishte në bord shumë më tepër persona se numri prej 160 që kishte kapacitet./
/i.p/
