Reshjet E Shiut Ulin Temperaturat Në Vend
TIRANË, 28 Korrik/ ATSH- Suada Daci/.- Reshjet e shiut që ranë sot në orët e para të mëngjesit kanë ulur ndjeshëm temperaturat në vend.
Meteorologët parashikojnë një fundjave me një situate sinoptike te paqëndrueshme, reshje shiu, kthjellime te herepasehershme, por edhe temperatura me te ulëta krahasuar me ditët që lamë pas.
Tirana është përfshirë sot nga shirat dhe sipas specialistëve të Shërbimit Meteorologjik, temperatura maksimale në kryeqytet shënon 27 gradë dhe ajo minimale18 gradë celcius.
Sinoptikanët sqarojnë se kjo ulje e vlerave të temperaturave do të prekë rajonin e Mesdheut, përfshi Shqipërinë, ku vlerat maksimale te temperaturave nuk do t'i kalojnë te 30 gradët.
Sipas tyre, "i nxehti afrikan", që pushtoi për disa ditë vendin tonë, do të rikthehet sërish në fillim të gushtit. /a.ke/
