Nuk kanë kursyer aspak dhe në më pak se dy vite, në letër, kanë ndërtuar një nga ekipet më konkurruese në mbarë botën.
Roberto Mancini ka në duart e tij një “anije lufte”, e cila në qoftë se drejtohet në mënyrën e duhur mund të bëhet e pathyeshme.
Janë investuar mbi 400 milionë euro, ka 39 lojtarë në ekip, me një pagë të përgjithshme e cila kalon shumën e 90 milionë eurove. Ajo që duhet thënë është se 11 lojtarët titullarë të formacionit vlejnë një shifër të barasvlershme me 280 milionë euro.
Pasi të gjitha këtyre çmendurive në shpenzime, tashmë ka ardhur koha që sheiku Mansour dëshiron vetëm të fitojë.
Shumë e vështirë që sheiku mund të bënte më mirë se kaq. Tashmë mund të themi se skuadra e Manchester City është e kompletuar si me lojtarë të rinj të talentuar ashtu dhe me veteran luftarak që të japin siguri.
r.b/NOA
