Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Zv/guvernatori i Bankës së Suedisë, viziton Bankën e Shqipërisë
English

Zv/guvernatori i Bankës së Suedisë, viziton Bankën e Shqipërisë

Tiranë, 15 shtator, NOA – Me ftesë të guvernatorit të Bankës së Shqipërisë, Ardian Fullani, zhvilloi një vizitë zyrtare pranë Bankës së Shqipërisë, Lars Nyberg, zv/guvernator i Bankës së Suedisë (Sveriges Riksbank).

Gjatë takimit, diskutimet u fokusuan në zhvillimet ekonomike, ku guvernatori Fullani e njohu Nyberg me ecurinë e ekonomisë shqiptare dhe veçanërisht me atë të sistemit bankar.

Fullani paraqiti masat e ndërmarra nga Banka e Shqipërisë për një mbikëqyrje të kujdesshme të sistemit bankar, si dhe bëri një përshkrim të kuadrit të politikës monetare në Shqipëri.

Gjithashtu, ai theksoi politikat e ndjekura nga Banka e Shqipërisë për ruajtjen e stabilitetit të çmimeve.

Nga ana e tij, Nyberg falënderoi Guvernatorin Fullani për ftesën e bërë, ndërsa kjo është vizita e dytë zyrtare e tij në Shqipëri.

Nisma e ndërmarrë pak vite më parë nga Banka e Shqipërisë për thellimin e dialogut ndërmjet bankave qendrore të rajonit dhe Bankës Qendrore Evropiane ka pasur edhe përkrahjen e Bankës së Suedisë.

Një nismë e tillë ka ndihmuar këto banka në rrugën e tyre drejt anëtarësimit në Sistemin Evropian të Bankave Qendrore (SEBQ).

Gjithashtu, Banka e Suedisë ka ndihmuar në dhënien e asistencës teknike me qëllim përgatitjen e Bankës së Shqipërisë në procesin e përafrimit me SEBQ-në.

n.e/NOA

KOMENTE