Tiranë, 5 janar, NOA – Një banesë është përfshirë nga flakët në afërsi të ambasadave në zonën e Rrugës së Kavajës. Gazetari i Agjencisë NOA raporton se ndërtesa ndodhet pas ambasadës greke.
Sinjalizimi në kohë i zjarrfikësve ka bërë të mundur dhe shuarjen në kohë të flakëve. Ndërkohë që djegia e banesës mund të kishte marrë përmasa tragjike nëse nuk do të ishte bërë ndërhyrja në kohë.
Në afërsi të banesës ka qenë dhe një impiant ku mbusheshin me gaz bombola. Nëse flakët do të kishin shkuar në këtë pjesë, zjarri do të sillte dëme në të gjitha banesat në këtë zonë.
Rreth 15 zjarrfikës kanë ndërhyre për shuarjen e flakëve. Sipas policisë nuk ka pasur të lënduar nga zjarri.
a.k/NOA
