Prishtinë, 14 janar 2011, NOA- Përfundon rinumërimi i kutive të votimeve të 9 janarit. Rinumërimi i votave nga rivotimi i pjesshëm ka sqaruar tablonë e deputetëve të rinj të PDK-së për legjislaturën e re. Në krye të listës së 35 deputetëve është Hashim Thaçi me rreth 114 mijë vota, ndërsa më pas renditen Fatmir Limaj e Jakup Krasniqi, duke u ndjekur nga të tjerë emra. Këto rezultate vijnë pas dy votimeve që shoqëruan Kosovën në dhjetor dhe janar. Ku pas parregullsive gjatë zgjedhjeve të 12 dhjetorit, një tjetër raund u mbajt në disa komuna të Kosovës. a.y/NOA
