Tiranë, 14 janar 2011, NOA- Pak minuta më parë përfundoi mbledhja e Asamblesë Kombëtare të Partisë Socialiste. Pas përfundimit të kësaj mbledhje deputeti i kësaj partie Blendi Klosi, deklaroi se Asambleja Kombëtare vendosi të përshkallëzoj më tej protestat. Ai bëri thirrje më tej se Kryeministri Berisha duhet të dorëhiqet, si rrjedhojë e mosfunksionimit të qeverisë. Deputeti socialist theksoi se protesta e parë do të jetë më 21 janar dhe i bëri thirrje gjithë shqiptarëve, që të bashkohen në këtë protestë e cila do të nisë në Kryeqytet. Klosi përsëriti se PS nuk do të lejojë që të zhvillohen zgjedhje si ato të 28 qershorit dhe nënvizoi në emër të partisë, se duhet të zhvillohen zgjedhje të parakohshme, dhe se kjo parti do të mbajë raporte të kushtëzuara me parlamentin. a.y/NOA
