Durrës, 28 janar, NOA – Forcat e policisë së Durrësit kanë arrestuar në flagrancë një person i cili dyshohet se ka vjedhur disa sahate uji në një pallat të ri.
Siç ato konfirmojnë për agjencinë e Lajmeve NOA, i ndaluari mban inicialet A.Gj. dhe është 15 vjeç, banues në Durrës.
Konkretisht, ky person dje rreth orës 14.30 është kapur në flagrancë nga shërbimet e Policisë duke vjedhur 19 copë sahate uji në lagjen 13 Plazh, në një pallat të sapopërfunduar.
U kryen veprimet e para hetimore; në cilësinë e provës materiale u sekuestruan 19 copë sahate uji.
Kurse materialet për veprën penale të vjedhjes iu kaluan për ndjekje Prokurorisë së Durrësit.
n.e/NOA
