Milano, 19 Janar NOA - Pazzini tani është zyrtarisht një lojtar i Interit. Ish-sulmuesi i Sampdorias ka kaluar me sukses të gjitha vizitat mjekësore dhe më pas ka nënshkruar një kontratë me Interin e cila do ta lidhë atë me klubin zikaltër deri në vitin 2015. Numri që është rezervuar për të, do të jetë 7.
Me sa bëhet e ditur ai do të jetë menjëherë në dispozicion të Leonardos, i cili mund të fusë në lojë Pazzinin që nga minuta e parë në sfidën e ardhshme kundër Palermos. Në sulm, faktikisht, me përjashtimin e Eto’o dhe Pandev, mbeten për tu vlerësuar kushtet e Militos.
r.b/NOA
