Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Parlament, miratohen dy projektligje të rëndësishme
English

Parlament, miratohen dy projektligje të rëndësishme

Tiranë, 7 Shkurt, 2011 NOA - Komisioni për Çështjet Ligjore, Administratën Publike dhe të Drejtat e Njeriut miratoi sot dy projektligje të rëndësishme, përkatësisht shtesën në ligjin “Për aderimin në konventën “Për eliminimin e të gjitha formave të diskriminimit ndaj grave” si dhe një projektligj ekonomik.

Ky i fundit, është drafti ligjor “Për ratifikimin e marrëveshjes së kredisë së eksportit, ndërmjet Këshillit të Ministrave të Republikës së Shqipërisë, përfaqësuar nga Ministria e Financave, dhe Unicredit Banka Austria, për financimin e përmirësimit të Departamentit të Neurokirurgjisë për Spitalin Universitar “Nenë Tereza””.

Lidhur me projektligjin e parë, “Për aderimin në konventën “Për eliminimin e të gjitha formave të diskriminimit ndaj grave””, shtohet neni 2, i cili përcakton pranimin nga Republika e Shqipërisë ndryshimin e nenit 20, paragrafi 1, i konventës sipas të cilit Komiteti për Eliminimin e Diskriminimit ndaj Grave (Komiteti CEDAW) duhet të mblidhet normalisht çdo vit, me qëllim shqyrtimin e raporteve të paraqitura në përputhje me nenin 18, të kësaj konvente.”

Në vijim komisioni shqyrtoi dhe miratoi projektligjin për ratifikimin e marrëveshjes së kredisë së eksportit, ndërmjet Këshillit të Ministrave të Republikës së Shqipërisë, përfaqësuar nga Ministria e Financave, dhe Unicredit Banka Austria, i cili parashikon financimin e përmirësimit të Departamentit të Neurokirurgjisë për Spitalin Universitar “Nenë Tereza”.

Ndërkohë që Komisioni i Ligjeve vijon shqyrtimin nen për nen të projektligjit “Për të drejtën e kalimit në pronë të shtetit dhe private, për ndërtimin e rrjetit të komunikimeve elektronike”.

e.t/NOA

KOMENTE