Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
PS: Përgjegjësit e Gërdecit, Berisha dhe i biri kanë kapur drejtësinë
English

PS: Përgjegjësit e Gërdecit, Berisha dhe i biri kanë kapur drejtësinë

Tiranë, 7 shkurt 2011, NOA – Selia rozë ka akuzuar sot Kryeministrin e vendit Sali Berisha se ka kapur sistemin e drejtësisë dhe se përgjegjës për tragjedinë e Gërdecit ku humbën jetën 26 qytetarë të pafajshëm është ai dhe i biri i tij, Shkëlzen Berisha, të cilët janë bashkëpunëtorë të ngushtë të tre të pandehurve. Këto akuza të Partisë Socialiste erdhën pas vendimit që mori Gjykata e Tiranës për lirimin nga burgu të tre të pandehurve të gjyqit të Gërdecit, Mihal delijorgjit, Sokol Ngjecit dhe Ylli Pinarit, me argumentin se ishin tejkaluar afatet e burgimit të tyre.

Në një konferencë për shtyp nga selia rozë, deputeti Taulant Balla deklaroi se kryeministri Berisha po i bën presion sistemit të drejtësisë me qëllimin që të zvarritet zbardhja e tragjedisë së Gërdecit.

“Ministri i drejtësisë qëndron me gojën mbyllur deri sa e sorollat këtë çështje deri në këtë pikë. Përgjegjësia e Gërdecit është tek kryeministri dhe djali i tij, tek ministrat që kanë qenë dhe vazhdojnë të jenë në detyrë”, tha deputeti socialist.

Deputeti Balla duke iu referuar vendimit të gjykatës ritheksoi se “Sot u provua lidhja e drejtpërdrejtë e Sali Berishës dhe djalit të tij me të akuzuarit e Gërdecit. U provua se ku po zhytet drejtësia dhe korrupsioni mbi të”.

Sipas Ballës vendimi i gjykatës dëshmon dështimin e drejtësisë për vënien para përgjegjësisë të atyre që sollën vrasjen e 26 vetëve.

Balla theksoi se “Gërdeci dëshmon se nuk mund të ketë drejtësi në një vend ku qeveris padrejtësia”.

Deputeti socialist tha se vetëm largimi i matrapazëve të pushtetit është e vetmja rrugë për vendosjen e shtetit ligjor në vend.

mit/NOA

KOMENTE