Finlandë, 14 Shkurt NOA - Janë nxjerrë në mënyrë paraprake imazhet e para të telefonave celularë smartphone të Nokia me sistem operativ Windows Phone 7, fryt i akordit të formalizuar mes kompanisë finlandeze dhe Microsoft. Ende nuk është e qartë, nëse bëhet fjalë për një prototip, apo për një celular realisht të destinuar për të arritur në treg, ku çdo dyshim megjithatë do të shuhet javën e ardhshme, me prezantimin e Nokia, mbi smartphone e parë Windows Phone 7 në Mobile World Congress që do zhvillohet në Barcelonë. Për sa i përket aspektit të jashtëm, celulari do të jetë i ngjashëm me disa modele të shkuar si Nokia E7 apo Nokia N8, me një ekran në formatin WVGA me dimensione që përfshijnë 3.5 dhe i 4.3 polësh. Procesori duhet të jetë një Qualcomm Snapdragon me shpejtësi të paktën prej 1 GHz, ndërsa karakteristikat e tjera do të jenë të ngjashme me ato të telefonive të tjera të kësaj kategorie.
r.b/NOA
