Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Aksidenti fatal merr dy jetë, përplaset dhe makina që po i çonte në spital
English

Aksidenti fatal merr dy jetë, përplaset dhe makina që po i çonte në spital

Vlorë, 15 shkurt, NOA – Një aksident i rëndë me pasojë vdekjen e dy personave nga e njëjta familje është shënuar në orët e para të mëngjesit, në vendin e quajtur “Panaja”, në aksin rrugor Vlorë-Fier.

Siç konfirmohet për agjencinë e Lajmeve NOA nga burimet zyrtare të policisë së Vlorë, shkak i këtij aksidenti fatal automobilistik është bërë dalja jashtë rruge e automjetit tip Fiat Punto me targa BZ 415 HN, që kishte si drejtues 28-vjeçarin Saimir Hasani, banues në Fier.

Si pasojë, kanë humbur jetën Klaudia Hasani, 22 vjeç, e cila është bashkëshortja e drejtuesit të mjetit, dhe Edi Hasani, 15 vjeç.

Ndërkaq, mësohet se edhe vetë drejtuesi i mjetit, ndodhet në gjendje mjaft të rëndë për jetën.

Këta persona janë transportuar nga një mjet i rastësishëm tip Mercedes-Benz MG me targa VL 1282 D, me drejtues Hasan Hasani, i cili ndërsa i çonte me shpejtësi për në spitalin e Vlorës, është aksidentuar edhe ky në afërsi të tij me mjetin tip Volksvagen Golf me targa PS 925 JJ i cili ishte i parkuar.

Po punohet për zbardhjen e plotë të shkaqeve të aksidenteve të ndodhura.

n.e/NOA

KOMENTE