Prishtinë, 15 Shkurt 2011 NOA - Që nga dita e enjte 17 Shkurt dhe të premten premte 18 shkurt 2011, do të jenë ditë pushimi në të gjitha shkollat fillore dhe të mesme të Republikës së Kosovës.
Vendimin e shpalli sot Ministri i Arsimit, Shkencës dhe Teknologjisë, Enver Hoxhaj. Me rastin e trevjetorit të Pavarësisë së Kosovës, Hoxhaj ka marrë vendimin që shkollat të qëndrojnë mbyllur para fundjavës.
Ndërkaq, ora e parë e mësimit, ditën e mërkurë, 16 shkurt 2011 duhet t'i kushtohet Shpalljes së Pavarësisë dhe përpjekjeve shekullore të popullit të Kosovës për shtet të pavarur dhe sovran.
Me këtë rast, ministri Enver Hoxhaj, tha sot se ai uron të gjithë mësimdhënësit, prindërit dhe nxënësit për trevjetorin e Shpalljes së Pavarësisë së Kosovës.
a.b/NOA
